ಸಾಂತಿಸಿಮ್ ತ್ರಿಂದಾದಿಚೆಂ ಫೆಸ್ತ್ ವೊರ್ಸ್ B 03-06-12
ವಿಷಯ್: ದೇವ್ ಬಾಪ್, ದೇವ್ ಪೂತ್, ಅನಿಂ ದೇವ್ ಸ್ಪಿರಿಸಾಂತ್
ಪೊಯ್ಲೆಂ ವಾಚಾಪ್ ಭಾವೆಶಾಸನಾಂತ್ಲೆ 4:32-34 ದೆವಾಚಿ ಅಪರಿಮಿತ್ ಕಾಕುಳ್ತ್.
ದುಸ್ರೆಂ ವಾಚಾಪ್ ರೊಮಾ ಗಾರಾಂಕ್ ಪತ್ರ್ 8:14-17 ಸ್ಪಿರಿತ್ ಆಮ್ಕಾಂ”ಬಾಪಾ’ ಮ್ಹುಣ್ ದೆವಾಕ್, ಉಲೊ ಕರುಂಕ್ ತಾಂಕ್ ದಿತಾ.
ಮಾತೆವಾಚಾ ವಾಂಜೆಲಾಂತ್ಲೊ  28:16-20 ಆಮ್ಚಾ ಸದಾಂಚಾ ಮಿಸಾಂವಾತ್ ದೆವಾಚೊ ಶಾಸ್ವಿತ್ ಸಾಂಗಾತ್.
ಆಮ್ಚಾ ಭಾವಾಡ್ತಾಚೊ ಗೂಂಡ್ ಅರ್ಥ್ ಸಾಂತಿಸಿಮ್ ತ್ರಿಂದಾದಿಚಾ ಮಿಸ್ತೆರಾಂತ್ ಹೊಂದೊನ್ ಆಸಾ.
ಹೆಂ ಸತ್ ಜರ್ ಆಮಿಂ ಸಮ್ಜಾತಾಂವ್ ತವೊಳ್ ಆಮ್ಚೆಂ ಜಿವನ್ ಬೊರ್ಯಾನ್ ಚಲಾತ್.
ಪವಿತ್ರ್ ಎಕ್ಲೆಸಿಯಾ ಸದಾಂನೀತ್ ದೆವಾನ್ ಪರ್ಗಟ್ಲೆಲೆಂ ಸತ್ ಲೊಕಾಮುಕಾರ್ ಉಕೊಲ್ನ್ ಧರುಂಕ್ ಸದಾಂ ಪ್ರಯತನ್ ಕರ್ತಾ.
ಎಕಾ ದೆವಾ ಥಂಯ್ ತೇಗ್ ಜಣ್ ಆಸಾತ್ ಮ್ಹುಣ್ ಸಮೆಸ್ತ್ ಭಾವಾಡ್ತ್ಯಾಂಕ್ ಶಿಕೊಂಕ್ ವಿಸ್ರಾನಾಂ.
 ಕ್ರಿಸ್ತಾಂವ್ ಸಮೊಡ್ತಿಂಚಾ ಶಿಕ್ಪಾಂತ್ ಆಮ್ಕಾಂ ಶಿಕಯ್ತಾ ದೆವಾಚೊ ಎಕ್ವೊಟ್.
ಸಾಂತಿಸಿಮ್ ತ್ರಿಂದಾದ್ ಜಾವ್ನಾಸಾ ಬಾಪಾ, ಪುತಾ ಆನಿ ಪೊವಿತ್ರ್ ಅತ್ಮ್ಯಾಚೊ ಎಕ್ವೊಟಿತ್ ಸಾಂಗಾತ್ ಜಾವ್ನಾಸಾ.
ತ್ರಿಂದಾದಿಚಿ ಶಿಕೊಣ್ ಆಮ್ಕಾಂ ಸಾಂಗ್ತಾ, ತೇಗ್ ಜಣ್ ವೊಯ್ ಪೂಣ್ ಎಕಚ್ ದೇವ್.
ತೊ ಸದಾಂ ಸರ್ವಾತಾಂ ಆಸ್ಲೊಲೊ, ತೇಗ್ ಜಣ್ ಅವಿಭಾಜಿತ್ ಎಕ್ವೊಟೊನ್ ಆಸ್ಚೆ, ಬಾಪ್, ಪೂತ್ ಆನಿಂ ಪವಿತ್ರ್-ಅತ್ಮೊ.
ಹೊ  ಸತಾಚೊ ಮಿಸ್ತೆರ್ ಸಮ್ಜಾಂವ್ಕ್ ಇಗರ್ಜ್ ಮಾತಾ ಆಮ್ಕಾಂ ವಿವಿದ್ ಜಾಗ್ಯಾನಿಂ ಶಿಕಯ್ತಾ:
1. ಆಮಿಂ ಸದಾಂನೀತ್ ಖುರ್ಸಾಚಿ ಕುರು ಕಾಡ್ತಾಂವ್. ಅಶೆಂ ಪೊಯ್ಲೆಂ ಹೊ ಮಿಸ್ತೆರ್ ಆಮಿಂ ಪಾಳ್ತಾಂವ್.
2. ಆಮಿಂ ಸತಮಾಂದ್ತಾಂ ಮ್ಹುಣ್ತಾಂನಾ ದೆವಾ ಬಾಪಾ, ದೆವಾ ಪುತಾ ಆನಿಂ ದೆವಾ ಸ್ಪಿರಿತಾಚಿಂ ಕಾರ್ಬಾರಾಂ ಹೊಗೊಳ್ಸಿತಾಂವ್.
3. ಕ್ರಿಸ್ತಾಂವಾಚಾ ಜಿವಿತಾಚಾ ಹರೆಕಾ ಘಡಿಯಾನಿಂ ಹೊ ಮಿಸ್ತೆರ್ ಆಮಿಂ ಪರ್ಗಟ್ ಕರ್ತಾಂವ್.
ಆಮ್ಚಾ ಕ್ರಿಸ್ತಾಂವ್ ಪೂರ್ವಜಾಂಚಾ ಜಿವನಾಂತ್ ಏಕ್ ದೀಷ್ಠ್ ಘಾಲ್ಯಾರ್ ಆಮ್ಕಾಂ ಕಳ್ತಾ ಕಶೆಂ ತೆ ಹ್ಯಾ ಮಿಸ್ತೆರಾಕ್ ವೊಳ್ಕಾ ತಾತ್ ಗೀ ಮ್ಹುಣ್
ತೆ ನಾಂ ಬಗಾರ್ ತಾಂಚಾ ಹರೆಕಾ ದಿಸಾಚಾ ಗರ್ಜಾನಿ ದೆವಾ ಬಾಪಾಕ್, ದೆವಾ ಪುತಾಕ್ ಆನಿಂ ಪವಿತ್ರ್ ಅತ್ಮ್ಯಾಕ್ ಪ್ರಮುಖ್ ಜಾಗೊ ದಿತೆಲೆ.
ಜರ್ ಆಮಿಂ ಆಮ್ಚಾಚ್ ಆವೊಯ್ ಬಾಪಾಯ್ಚಾ ಕಾಲಾರ್ ದೀಷ್ಠ್ ಘಾಲ್ಯಾರ್ ಆಮ್ಕಾಂ ಕಳ್ತಾ ತಾಂಕಾ ಆಸ್ಲೊಲೊ ತ್ರಿಂದಾದಿಚೆರ್ ಮಾನ್ ಆನಿ ಸಮ್ಮಾನ್ ಆಮ್ಕಾಂ ನಾಂಚ್ ನಾಂ ಮುಣ್ಯೆತಾ.
ಆಯ್ಚಾ ಮಿಸಾಚಿಂ ತಿನೀಂ ವಾಚ್ಪಾ ಆಮ್ಚಾ ಭಾವಾಡ್ತಾ ಚಿ ಬೊರಿ ಖಬೊರ್ ದಿತಾತ್.
ಆಮ್ಕಾಂ ಕಳ್ತಾ ದೇವ್ ಬಾಪ್ ತಾಚಾ ಅಗಣಿತ್ ಮೊಗಾಚಾ ಉಮಾಳ್ಯಾನ್ ಸಂಸಾರಾಚೆಂ ರಚನ್ ಕತಾ.
ಅಶೆಂ ದೆವಾಚಾ ಅಗಣಿತ್ ಪೊದ್ವೆನ್ ತೊ ಸಂಸಾರ್ ಘಡ್ತಾ ಹೆಂ ಫಕ್ತ್ ದೆವಾಚಾನ್ ಮಾತ್ರ್ ಸಂಬವ್.
ಮೊಯ್ಜೆಕ್ ದೆವಾನ್ ವಿಂಚುನ್ ಕಾಡ್ಲೆಲ್ಯಾ ಪರ್ಜೆ ಚಾ ಸಡ್ವೊಣೆಕ್ ವಿಂಚ್ಲೊ.
ವಿಂಚ್ಲೆಲಿ ಪರ್ಜಾ ದೆವಾಚಾ ಅಗಣಿತ್ ಮೊಗಾ ಥಾಂವ್ನ್ ಪೊಯ್ಸ್ ಗೆಲ್ಲಿ ಜಾಲ್ಯಾರೀ ದೆವಾನ್ ತಾಂಕಾ ಸಾಂಡುಂಕ್ ನಾ.
ಮೊಗಾನ್ ಬುಡ್ಲೊಲೊ ದೇವ್ ತಾಂಕಾ ಬಂಧಡೆಚಾ ಬಾಂದಾಂತ್ ಥಾವ್ನ್ ಸುಟ್ಕಾ ದಿವಯ್ತಾ.
ಅಶೆಂ ದೆವಾನ್ ತಾಚಾ ಮೊಗಾನ್ ವಿಂಚ್ಲೆಲಿ ಪರ್ಜಾ ಪೊರ್ತ್ಯಾನ್ ಸುಟ್ಕೆಚಾ ವಾಟೆರ್ ಚಲೊಂಕ್ ಲಾಗ್ತಾ.
ದೆವಾಚೆಂ ಪರ್ಜಳಿಕ್ ಮುಖಾಮಳ್ ಮುನ್ಶಾಚಾ ಪರಿಪೂರ್ಣ್ ವ್ಯಕ್ತಿತ್ವಾಂತ್ ದಿಸೊಂಕ್ ಲಾಗ್ತಾ, ಮುಣ್ತಾ ಇರೆನೆಯಾ ಇಗರ್ಜಮಾತೆಚೊ ಏಕ್ ಬುದ್ವೊಂತ್ ಲೆಖಕ್.
ದುಸ್ರೆಂ ವಾಚಾಪ್ ಪವಿತ್ರಾತ್ಮ್ಯಾಚಾ ವಿವಿಧ್ ಕಾರ್ಯಾಂಚಿ ವೊಳೊಕ್ ದಿತಾ.
ಹರೆಕಾ ಮ್ಹುನ್ಶಾಕ್ ದೆವಾ ಬಾಪಾಕ್ ’ಬಾಪಾ’ ಮ್ಹುಣ್ ಉಲೊ ಕರ್ಚೆಂ ಭಾಗ್ ದಿಲಾಂ.
ಹೊ ಗೂಣ್ ಮ್ಹುನ್ಶಾಚಾ ಜಿಣಿಯೆಂತ್ ಅಸೊ ಭೊರ್ಲಾ ಕಿ, ಜಶೆಂ ಜಶೆಂ ಮ್ಹುನ್ಶಾಕ್ ದೆವಾಚಿ ವೊಳೊಕ್ ಜಾತೆ ವೆತಾ ತಶೆಂ ತಶೆಂ ತಾಚಾ ಭಿತರ್ ದೆವಾಕ್ ಸಮ್ಝೊಂಕ್ ಮ್ಹುನಿ ಸಕ್ತಾ..
ಹೆಂ ಸಮ್ಝೊಂಕ್ ಆಮಿಂ ಜಾಗ್ರುತ್ ಜಾವ್ನ್ ಪವಿತ್ರ್ ತ್ರಿಂದಾದಿ ಕಡೆಂ ಸಂಬಧ್ ಜೊಡುಂಕ್ ಶಿಕಾಜಯ್.
ಆಮಿಂ ಆಮ್ಚೆಂ ಸದಾಂಚೆಂ ಕಾಮ್ ಕರ್ತಾನಾ ದೆವಾಚೆಂ ಮಹತ್ವ್ ವಿಸ್ರೊಂ ನಜೊ.
ಪೂಣ್ ಜಾತಾ ಕಿತೆಂಗೀ ಮ್ಹುಳ್ಯಾರ್ ಆಮಿಂ ಆಮ್ಚಾ ಕಾಮಾನಿಂ ಇತ್ಲೆಂ ಬುಡ್ತಾಂಗ್ ತವೊಳ್ ದೆವಾಕ್ ವಿಸ್ರೊಂಕ್ ಲಾಗ್ತಾಂವ್.
ಆಮಿಂ ದೆವಾಚಿಂ ಭುರ್ಗಿಂ ಮ್ಹುಳೆಂ ಸತ್ ಪೂರ್ಣ್ ರಿತಿನ್ ಆಮಿಂ ವೊಳ್ಕೊನ್ ಘೆಜಯ್..
ಜೆಜುಚೆ ವೊಳ್ವೊಳೆ ಮುನ್ಶಾಕ್ ಪಾತ್ಕಾಂತ್ಲೆಂ ಸೊಡೊಂಚೆ ಸಶಕ್ತ್ ಸಾಧನ್ ಜಾಲೆಂ.
ತಶೆಂ ಜಾಲ್ಲ್ಯಾನ್ ಮ್ಹುನ್ಶಾಂನ್ ತಾಚೆರ್ ಎಂವ್ಚೆ ಕಸ್ಟ್ ಅನ್ವಾರ್ ತಾಚಾ ಸಾಲ್ವಾಸಾಂವಾಚೆಂ ಸಾಧನ್ ಮ್ಹುಣ್ ಸಮ್ಝೊನ್ ತಾಚೆಂ ಜಿವನ್ ವೆಂಗೆಜಯ್.
ಆಯ್ಚೊ ವಾಂಜೆಲ್ ಆಮ್ಕಾಂ ಜೆಜುಚೊ ಪಾಟ್ಲಾವ್ ಕರುಂಕ್ ಆಪಯ್ತಾ.
ಜೆಜು ತಾಚಾ ಶಿಸಾಂಕ್ ಸಾಂಗ್ತಾ ತುಮಿಂ ಸಮೆಸ್ತ್ ಮೊಜಿ ವಾಟ್ ಪೊಳೊನ್ ಜೆರುಜಾಲೆಮ್ ಸೊಡ್ನ್ ವೊಚಾನಾಸ್ತಾಂನಾ ಮುಜಿ ಪ್ರತಿಕ್ಷಾ ಕರಾ.
ಹಾಂವ್ ತುಂಮ್ಕಾಂ ಮ್ಹುಜಾ ಜಯ್ತೆಚೆಂ ಹಾತೆರ್ ದಾಕೊನ್ ತುಮಿಂ ಕಶೆಂ ಕಸ್ಟಾಂಚೆರ್ ಜಯ್ತೆವೊಂತ್ ಜಾಯ್ಜಯ್ ಗೀ ಮ್ಹುಂಳೆ ಸಮ್ಜಯ್ತಾ.
ಜೆಜು ತಾಚಾ ಶಿಸಾಂಕ್ ಸಾಂಗ್ತಾ, ತುಮಿಂ ಗಾಲಿಲೆಯಾಕ್ ವೊಸಾ, ಥಂಯ್ ಹಾಂವ್ ತುಮ್ಕಾಂ ತುಮ್ಚಾ ಭಾವಾಡ್ತಾಚೊ ಘುಟ್ ಸಮ್ಜಯ್ತಾಂ.
ತುಮಿಂ ದೆವಾಚಾ ಮೊಗಾಚೊ ಘುಟ್ ಕಸೊ ಪರ್ಗಟ್ ಕರಿಜಯ್ಗೀ ಮ್ಹುಳೆಂ ತುಮ್ಕಾಂ ಶಿಕಯ್ತಾಂ.
ಹೊಚ್ ಪೊಯ್ಲ್ಯಾ ಭಾವಾಡ್ತಿ ಸಮುದಾಯಾಚೊ ಜಲ್ಮಾಚೊ ದೀಸ್, ಆನಿಂ ಭಾವಾಡ್ತ್ಯಾಂಚೊ ಘುಟ್.
ಸದಾಂ ಭಾವಾಡ್ತಿ ಖುರ್ಸಾಚೊ ಘುರ್ತ್ ಕರ್ತಾನಾ ಆಮಿಂ ದೆವಾಚಿಂ ಭುರ್ಗಿಂ ಮ್ಹುಳೆಂ ಸತ್ ಆಮಿಂ ಪರ್ಗಟ್ ಕರ್ತಾಂವ್.
ಹರೆಕ್ ಖುರ್ಸಾಚಿ ಕುರು ಪವಿತ್ರ್ ತ್ರಿಂದಾದಿಚೊ ಪರ್ಗಟ್ ಪ್ರಚಾರ್ ಕರುಂಕ್ ಆಮ್ಕಾಂ ಕಳಯ್ತಾ.
ಅಸಲ್ಯಾ ಬಲಿಷ್ಟ್ ಸಾಧನ ಆಮ್ಚೆ ಲಾಗಿಂ ಆಸ್ತಾನಾ ಆಮ್ಕಾಂ ಕಸಲೆಂ ಭೆಂ?
ಕ್ರಿಸ್ತಾಂವ್ ಸದಸ್ಯ್ ತಾಚಾ ದೆಯ್ವಿಕ್ ಕಾಮಾನಿ, ದೆವಾಚೆಂ ರಾಜ್, ವಿಸ್ತಾರುಂಕ್ ಪೆಚಾಡ್ತಾನಾ, ತೊ ಮಿಸಾಂವಾಂತ್ ವಾಂಟೆಲಿ ಜಾತಾ.
ಅಶೆಂ ಕ್ರಿಸ್ತಾಂವ್ ಪರ್ಗಟ್ ರಿತಿನ್ ದೆವಾಚಾ ಪ್ರಭುತ್ವಾ ಚೊ ಸಂಕೆತ್ ದಿತಾ.
ಆಧುನಿಕ್ ಕಾಲಾರ್ ಹರೆಕಾ ಕ್ರಿಸ್ತಾಂವಾಕ್ ಪರ್ಗಟ್ ರುಪಾನ್ ತಾಚೊ ಭಾವಾಡ್ತ್ ಜಿಯೆಂವ್ಚೆಂ ದೆಣೆಂ ಮೆಳ್ಳಾಂ, ಹಾಕಾ ಆಮಿಂ ದೆವಾಕ್ ಕಾಳ್ಜಾಂತ್ ಥಾವ್ನ್ ಅರ್ಗಾಂ ದಿವ್ಯಾಂ.
 ಕ್ರಿಸಾಚೆ ಖರೆ ಶಿಸ್ ಜಾವ್ನ್, ಹರೆಕ್ ಕ್ರಿಸ್ತಾಂವ್ ತಾಚೊ ಭಾವಾಡ್ತ್ ಜಿಯೆತಾನಾ ಎಕ್ವಿಸಾವ್ಯಾ ಸೆಕ್ಡ್ಯಾಂತ್ ಆಮಿಂ ಜಯ್ತೆವೊಂತ್ ದೆವಾಚಾ ಸತಾಚೆ ಸಾಕ್ಷಿ ಜಾತೆಲ್ಯಾಂವ್.
ಪುರಾತನ್ ಕಾಲಾರ್ ಮಾಡ್ತಿರ್ ಮೊರಾಣ್ ಮುನ್ಶಾಕ್ ಎಕ್ ಸಾಂತ್ ಮ್ಹುಣ್ ತಕ್ಷಣ್ ಪಾಚಾರುಂಕ್ ಸಾದ್ಯ್ ಕರ್ತೆಲೆಂ. ಆಯ್ಚಾ ಕಾಲಾರ್ ಕ್ರಿಸ್ತಾಂವಾಚೆಂ ಜಿವನ್ ಸಂಸಾರಾಂತ್ ಎಕ್ ಜಿವೊಂತ್ ಉದಾಹರಣ್.
ಹ್ಯಾ ವೆಳಾರ್ ಆಮ್ಕಾಂ ದೇವ್ ಆಪೊಯ್ತಾ ಆನಿಂ ಸಾಂಗ್ತಾ ಮುಜೆ ಉಗ್ತೆ ಪ್ರಚಾರಕ್ ತುಮಿಂ ಜಾಯಾ ಭಾವಾಡ್ತಾಚಿ ಸಾಕ್ಷ್ ದೀಂವ್ಕ್ ಪಾಟಿಂ ಸರಾನಾಕಾತ್..
ಹಾಂವ್ ಲ್ಹಾನ್ ಆಸ್ತಾನಾ ಆಯ್ಕಾಲ್ಲ್ಯಾ ಶೆರ್ಮಾವಾಂರ್ ಸಾಂಗ್ಲೆಲ್ಯಾ ಎಕಾ ಕಾಣಿಯೆಚೊ ಮಾಕಾಂ ಉಡಾಸ್ ಎತಾ.
ಸಾಂತ್ ಆಗುಸ್ತಿನಾಕ್ ಪವಿತ್ರ್ ತ್ರಿಂದಾದಿಚೊ ಘುಟ್ ಸಂಮ್ಝೊಂಕ್ ಭಾರೀ ಕಸ್ಟ್ ಜಾಲೆ.
ತೊ ತ್ರಿಂದಾದಿಚಾ ಮಿಸ್ತೆರಾಚೆರ್ ಚಿಂತುನ್ ಚಿಂತುನ್ ಕಾಂಯ್ ಜವಾಬ್ ಮೆಳಾನಾಸ್ತಾಂ ದರ್ಯಾ ದೆಗೆರ್ ಭೊವೊಂಕ್ ಲಾಗ್ಲೊ.
ಅಶೆಂ ದರ್ಯಾ ದೆಗೆರ್ ಭೊಂವ್ತಾನಾ ತಾಕಾ ಎಕ್ ಲ್ಹಾನ್ ಭುರ್ಗೊ ರೆಂವೆಂತ್ ಲ್ಹಾನ್ ಫೊಂಡ್ ಕಾಡ್ನ್ ದರ್ಯಾಚೆಂ ಉದಾಕ್ ಲ್ಹಾಂನ್ ಶಿಂಪಿಯೆನ್ ಭೊರ್ನ್ ತ್ಯಾ ಫೊಂಡಾಂತ್ ಭೊರುಂಕ್ ಪ್ರಯತನ್ ಕರ್ತೊಲೊ.
ಆಗುಸ್ತಿನ್ ಲ್ಹಾನ್ ಭುರ್ಗ್ಯಾಕ್ ಮ್ಹುಣಾಲೊ, ಭುರ್ಗ್ಯಾ ತುಂ ಕಿತೆಂ ಕರ್ತೆ ಆಸಾಯ್?
ಹಾಂವ್ ದರ್ಯೊ ಹ್ಯಾ ಫೊಂಡಾಂತ್ ಭೊರ್ತೆ ಆಸಾಂ.
ತುಕಾ ತಕ್ಲಿ ಪುಣೀಂ ಸೊಮಾ ನಾಂ ಮೂಂ ಕಶೆಂ ಇತ್ಲೆಂ ಉದೊಕ್ ಹ್ಯಾ ಫೊಂಡಾತ್ ಧರಾತ್?.
ವೊಯ್ ಸಾಯ್ಬಾ ಹಾಂವೆ ಕರ್ಚೆಂ ಪ್ರ್ಯತನ್ ಶಾಸ್ವಿತ್ ಜಾಂವ್ಕ್ ಸಾದ್ಯ ಪೂಣ್ ತುವೆಂ ಚಿತ್ಚೆಂ ದೆವಾಚಾ ಎಕ್ವೊಟಿತ್ ಮಿಸ್ತಾರಾವಿಶೆಂತ್ ತುಜಾ ಬುದಿ ಚಾ ಸಂದರ್ಬಾರ್ ತುಕಾ ತಾಚೊ ನಿರಾಕಾರ್ ಕಾಡುಂಕ್ ಸಾದ್ಯಚ ನಾಂ.
 ಹೆಂ ಆಯ್ಕಾಲ್ಲ್ಯಾ ಆಗುಸ್ತಿನಾಂಕ್ ತ್ಯಾ ಭುರ್ಗ್ಯಾಚಾ ಭುದ್ವೊಂತ್ಕಾಯೆನ್ ತಾಚಾ ಸಮಸ್ಯಾಚೆಂ ನಿರಾಕರಣ್ ಮೆಳ್ಳೆಂ.
 ಆಮಿಂ ಆಮ್ಚಾಚ್ ಬುದ್ವೊಂತ್ಕಾಯೆನ್ ಹರೆಕ್ ಮಿಸ್ತೆರ್ ಸುಟೊಂಚೆ ಪ್ರಯತನ್ ಕರ್ಚೆಂ ಸತಚ್ ಎಕ್ ಮೂರ್ಖ್ ಭರಿತ್ ಕಾರ್ಯೆಂ.
ಆಮಿಂ ದೆವಾಬಾಬಾಚಾ ದೆವಾ ಪುತಾಚಾ ಆನಿಂ ದೆವಾ ಸ್ಪಿರಿತಾ ಸಾಂತಾಚಾ ಎಕ್ವೊಟಿತ್ ಮೊಗಾಚೊ ಪ್ರತ್ಯಕ್ಷ್ ವಿಸ್ತಾರ್ ಕರ್ತಾನಾ ಆಮ್ಕಾಂ ತಾಂಚೆ ದೆಣೆ ಲಾಬ್ತಾ.
ತುಮ್ಚಾ ಮೊಗಾಂತ್ ತುಮ್ಚೆ ಥಂಯ್ ಎಕ್ವೊಟಿತ್ ದೆಯ್ವಿಕ್ ಸಂಗಾಚೊ ಸಾಂದೊ,
ಬಾಪ್ ಜುಜೆ ವಾಸ್ ಎಸ್.ವಿ.ಡಿ.