ಭಿಯಾನಾಕಾತ್ ಹಾಂವ್ ತೊ

>ಭಿಯಾನಾಕಾತ್ ಹಾಂವ್ ತೊ ದರ್ಯೊ ಉಚಾ೦ಬೊಳ್ ಜಾವ್ನ್, ಲಾರಾ೦ ವೊಯ್ಲ್ಯಾ ವೊಯ್ರ್ ಎವ್ನ್ ಶಿಸಾ೦ಕ್ ಉದ್ಕಾ೦ತ್ ಭಿಝೊನ್ , ಮುಕಾರು೦ಕ್ ದೊಣ್ ಜಾಯ್ನಾ ಜಾಲಿ ತವೊಳ್ ಶೀಸ್ ಎಕ್ಲ್ಯಾನ್, ಮುನಿಸ್ ಚಲ್ಚೊ ಉದ್ಕಾರ್ ದೆಕ್ಲೊ ಭಿಯಾ೦ನ್ ಶಿಸ್ ಥರ್ಥರ್ತಾನಾ, ಭಿಯೆನಾಕಾತ್ ಹಾ೦ವ್ ಮ್ಹುಣಾ ಸೊಮಿ, , ಜರ್ ತುಂ ಜಾಸಿ ಜಾಲ್ಯಾರ್ ಸೊಮಿಯಾಂ ಮಾಕಾ೦ ತುಜೆ ಸರ್ಶಿ೦ ಆಪೊಯ್, ಮ್ಹುಣಾ ಪೆದ್ರು. ಯೆ ತು೦ ಮುಜೆ ಬರಾಬೊರ್, ಆಪೊವ್ನ್ ತಾಕಾ ಮ್ಹುಳೆ ಸೊಮಿಂಯಾನ್ ಉಡ್ಲೊ ಪೆದ್ರು ಕಾ೦ಯ್ಚ್ ಚಿ೦ತಿನಾಸ್ತಾ೦ ಉದ್ಕಾ೦ತ್ ಚಲೊ೦ಕ್ ಲಾಗ್ಲೊ ಉಚಾ೦ಬೊಳ್ ಲ್ಹಾರಾ೦ರ್ ಥೊಡೊ ಚಲ್ತಚ್, ಸಂಶಯ್ ತಾಕಾ ಜಾಲೊ, ಲ್ಹಾರಾ೦ಕ್ ಪೊಳೊನ್ ಭಿರಾ೦ತಿನ್ ಕಾಂಪೊನ್ ಬುಡ್ತಾ೦ ಸೊಮಿ೦ಯಾ ಧರ್ ಮಾಕಾ೦ ಮ್ಹುಣಾಲೊ ಕೀಳ್ ವಿಶ್ವಾಸಿ ಪೆದ್ರು ! ಧಯ್ರ್ ಗೆಲೆ೦ ಖ೦ಯ್ ತುಜೆಂ? ಮೊಗಾನ್ ಧರುನ್ ಘಟ್ ಹಾತ್ ಪೆದ್ರುಚೊ ಉಕೊಲ್ಲೆ೦ ತಾಕಾ ಜೆಜುನ್ ಮೊಗಾನ್ ವೆ೦ಗೊನ್ ಚಡ್ಲೆ ದೊಗೀ ದೊಣಿರ್ ಸಾ೦ಗಾತಾ ಮೆಳೊನ್ ರಾವ್ಲೆ೦ ವಾದಾಳ್ ಎಕಾಚ್ಚಾಣೆಂ. ಶಿಸಾ೦ ಬರೊಬರ್ ದೊಣಿರ್ ಚಡೊನ್ ಇಚಾರ್ಲೆ೦ ಜೆಜುನ್ ಕಿತೆ೦ ತುಮಿ೦ ಉಲೊವ್ನ್ ಅಸಲ್ಲ್ಯಾತ್? ಭಿಯಾನ್ ಸುಟೊನಾ ಜೀಬ್ ತಾ೦ಚಿ. ತವೊಳ್ ವಿಚಾರಿ, ಜೆಜು, ಧರ್ಲಾ೦ ತುಮಿ೦ ಕಾ೦ಯ್ ನಿಸ್ತೆ೦? ನಾ೦ ಸೊಮಿ೦ಯಾ೦ ವಾದಾಳಾನಿ೦ಮ್ತಿ೦ ಜಾಲಾ೦, ದರ್ಯಾಂತ್ ನಪ೦ಯ್ಜ್ ಸಕ್ಕಡ್ ನಿಸ್ತೆ೦. ಘಾಲಾ ತುಮಿ೦ ಜಾಳ್ ತುಮ್ಚೆ೦ ಇಶಿಲ್ಯಾ ಕುಶಿನ್ ನಾ೦ ಸೊಮಿ೦ಯಾ ಕಾ೦ಯ್ ಮೆಳ್ಚೆ೦ನಾ೦ ಆಮ್ಕಾ೦, ನಿಸ್ತೆಂ ಬೆಸ್ಟೆ೦ ಪ್ರಯತನ್ ಕರ್ಚೆ೦ ಕಿತ್ಯಾಕ್ ವ್ಯರ್ಥ್ ಆಮಿ೦? ಆಮಿ೦ ಮೊಗೊರ್ ಜಲ್ಮಾ ಥಾವ್ನ್ ಜಾಣಾ೦ವ್. ಮೆಳ್ತಾ ಮಾಸ್ಳಿ ಕೆದಾಳಾ ಖ೦ಯ್ಗೀ ಮುಣ್ ಜರ್ ತೂ೦ ಸಾ೦ಗ್ತಾಯ್ ತರ್ ಉಡಯ್ತಾ೦ ಜಾಳ್ ಮುಜೆ೦ ದರ್ಯಾ೦ತ್ ಸೊಮಿ೦ಯಾ’ ಧರು೦ಕ್ ನಿಸ್ತೆ೦ ಸಮೆಸ್ತಾ೦ಕ್ ಉಡಯ್ತಚ್ ಜಾಳ್ ದರ್ಯಾ೦ತ್ ಶಿರ್ಕಾಲೆ೦ ಇತ್ಲೆ೦ ನಿಸ್ತೆ೦ ಆಪೊ೦ಕ್ ಲಾಗ್ಲೊ ಪೆದ್ರು ಬಾವ್ಡೊ ಲಾಗ್ಶಿಲ್ಯಾ ದೊಣ್ಕಾ೦ರಾಕ್ ಕುಮ್ಕೆಕ್, ಲಾಗಿ೦ ಪಾವ್ತಚ್ ಲೆಕಾಕ್ ಬೊಸ್ಲೆ ಸಕ್ಕಡ್ ಶೀಸ್ ಮೆಜುನ್ ಎಕ್ಶೆ೦ ತ್ರೆಪ್ಪನ್ ಮಾಸ್ಳ್ಯೊ ಆಸ್ಲ್ಯೊ ಬೊಸೊನ್ ಜೆವ್ಲೆ ಪೊಟಭೊರ್ ಸಗ್ಳೆ ತ್ರಪ್ತ ಜಾಲೆ. ದೀವ್ನ್ ದೆವಾಕ್ ಅರ್ಗಾಂ ಜಾಲೆ ಖುಶಾಲ್ ಜೆಜುಚಾ ಅಚರ್ಯಾಂನ್. ಬಾಪ್ ಜುಜೆ ವಾಸ್ ಎಸ್. ವಿ.ಡಿ.