ಸಾಂತ್ ಆರ್ನೊಳ್ಡ್ ಆಧುನಿಕ್ ಕಾಲಾಚೊ ಪ್ರೊಫೆತ್.
ಆರ್ನೊಳ್ಡ್ ದಯ್ವಿಕ್ ಸೊಬ್ದಾಚೊ ಸಂಸ್ಥಾಪಕ್, ಎಕ್ ಪ್ರೊಫೆತ್.
ತೊ 71 ವೊರ್ಸಾಂಚಾ ಪ್ರಾಯೆರ್ ಜನವರಿಚಾ 15 ತಾರಿಕೆರ್ 1909 ವೊರ್ಸಾ ದೆವಾದಿನ್ ಜಾಲೊ.
ತೊ ಕೆದಿಂಚ್ ಭಾಯ್ಲ್ಯಾ ಯಸಸ್ವಿಕ್ ಪಾತೆಂವ್ಕ್ ನಾಂ.
ದಯ್ವಿಕ್ ಸೊಬ್ದಾಚಾ ಸಭೆಕ್ ಘಡುಂಕ್ ತೊ ಸ್ವಥಃ ತಯಾರ್ ನಾತ್ಲೊಲೊ.
ಸುರ್ವೆರ್ ತಾಕಾ ದಯ್ವಿಕ್ ಸಬ್ದಾಚಿ ಸಭಾ ಘಡ್ಚೆಂ ಪ್ರೆರಣ್ ಮೆಳ್ತಚ್ ಆಪುಣ್ ಹ್ಯಾ ಕಾಮಾಕ್ ಫಾವೊ ನಂಯ್ ಮುಣ್ ಚಿಂತುನ್ ತೊ ನಾನಾಂತ್ಯಾ ಭಿಸ್ಪಾಂ, ಆರ್ಚ್ ಭಿಸ್ಪಾಂ, ಕಾಡ್ದಿನಲಾಂ ಲಾಗಿಂ ವೊಸೊನ್ ಪೊರಾತುಂಕ್ ಲಾಗ್ಲೊ ತುಮಿಂ ಹಿ ಸಭಾ ಘಡಾ.
ಜರ್ಮನಿಂತ್ ಅಸಲಿ ಮಿಸಾಂವ್ ಕಾಮ್ ಕರ್ಚಿ ಸಭಾ ಎದೊಳ್ ಕೊಣೆಂಯ್ ಘಡುಂಕ್ ನಾಂ.
ಜರ್ಮನಿಂಚಾ ಲೊಕಾಕ್ ಅಸಲೆಂ ಏಕ್ ಮಿಸಾಂವ್ ಅಧೀಕ್ ಗರ್ಜೆಚೆಂ.
ಪೂಣ್ ಕೊಣೆಂಯ್ ಹ್ಯಾ ಪ್ರೊಫೆತಾಚಾ ಶೆಂಬೊರ್ ವೊರ್ಸಾಂ ಪೊಯ್ಲೆಂಚಾ ಪ್ರೆರಣಾಕ್ ಕಾನ್ ದೀಂವ್ಕ್ ನಾಂ.
ತೊ ನಿರಾಶ್ ಜಾಂವ್ಕ್ ನಾಂ.
ತಾಣೆಂ ಪ್ರಾರ್ಥನ್ ಆನಿಂ ಧ್ಯಾನ್ ಸೊಡುಂಕ್ ನಾಂ.
ಅಖೆರೆಕ್ ಖಂಯ್ ಥಾವ್ನಯೀ ಸಸಾಯ್ ಮೆಳಾನಾತ್ಲಿ ಪೊಳೊನ್ ತಾಣೆಂ ಚಲೊಂಚಾ ಎಕಾ ಕಡ್ತಿಲಾರ್ "ಜೆಜುಚಾ ಪವಿತ್ರ್ ಕಾಳ್ಜಾಚೊ ಆಂಜ್" ಪರ್ಗಟ್ ಕೆಲೆಂ.
ಬಾಪ್ ಆರ್ನೊಳ್ಡ್ ದಯ್ವಿಕ್ ಸೊಬ್ದಾಚಿ ಸಭಾ ಘಡುಂಕ್  ಪೆಚಾಡ್ತಾ, ಕೊಣಾಂ ತಾಂತು ಭರ್ತಿ ಜಾಂವ್ಕ್ ಮೋನ್ ಆಸಾ ತಾಣಿಂ ಹ್ಯಾ ವಿಳಾಸಾರ್ ಸಂಪರ್ಕ್ ಕರ್ಯೆತಾ.
ಕೊಣಾಕ್ ಅಸಲ್ಯಾ ಮಿಸಾಂವ್ ಕಾಮಾಕ್ ದುಡ್ವಾ ಕುಮೊಕ್ ಕರುಂಕ್ ಮೊನ್ ಆಸಾ ತಾಣಿಂ ಉದಾರ್ ಮೊನಾನ್ ದಾನ್ ದಿವ್ವೆತಾ.
ಆರ್ನೊಳ್ಡ್ ಸದಾಂ ಮೊಸ್ತ್ ವೊರಾಂ ದಿಂಬಿಯೆರ್ ಖರ್ಚುನ್ ಪವಿತ್ರ ಅತ್ಮ್ಯಾಚೆಂ ಪ್ರೆರಣ್ ಮಾಗೊಂಕ್ ಲಾಗ್ಲೊ.
ತೊ ಬಾಪಾ ದೆವಾಚೆಂ ಕಾಮ್ ಕರುಂಕ್ ಬಾಪಾ ದೆವಾಚಿ ಸಸಾಯ್ ಮಾಗೊಂಕ್ ಲಾಗ್ಲೊ.
ದೆವಾ ಬಾಪಾಚಿ ಖುಶಿ ಕರುಂಕ್ ಶಿವಾಯ್ ದುಸ್ರೆಂ ಕಾಂಯ್ ಕರುಂಕ್ ತೊ ಚಿಂತಿ ನಾತ್ಲೊಲೊ.
ಕಸಲೊಯ್ ನಿರ್ಣಯ್ ಘೆಂವ್ಕ್ ತೊ ಕೆದಾಳಾಯ್ ದರ್ವೊಡ್ನಾತ್ಲೊಲೊ.
ದೆವಾಚಾ ಖುಶೆಚೆರ್ ತಾಕಾ ಅಪರಿಮಿತ್ ಭಾವಾಡ್ತ್.
ಲೊಕ್ ತಾಕಾ ಪಿಸೊ ಮುಣ್ ನಕ್ಲಾಂ ಕರ್ತಾನಾ ತೊ ರಾಗಾರ್ ಜಾಯ್ನಾತ್ಲೊಲೊ.
ಹೆಂ ದೆವಾಚಾ ಕಾಮಾಂಕ್ ತಾಕಾ ಕುಮೊಕ್ ಜಾಯ್ಶೆಂ ದೆವಾಕ್ ಭೆಟೊಂವ್ಕ್ ತೊ ಪ್ರಯತನ್ ಕರ್ತೊಲೊ.
ಎಕ್ ಪಾವ್ಟಿಂ ಹೆಂ ಕಾಮ್ ದೆವಾನಂಚ್ ನಿರ್ಮಿತ್ ಕೆಲ್ಲೆಂ ಮ್ಹುಣ್ ನಿಗಂಠ್ ಕಳ್ತೆಚ್ ತೊ ಕೆದಿಂಚ್ ಪಾಟಿಂ ಸರಾ ನಾತ್ಲೊ.
ತೊ ತ್ರಿಂದಾದ್ ದೆವಾಚೆ ಪೂರ್ಣ್ ರುಪಾನ್ ಪಾತ್ಯೆತೊಲೊ ಜಾವ್ನಾಸ್ಲೊಲೊ.
ತೊ ಮ್ಹುಣ್ತೊಲೊ "ದೆವಾನ್ ಸಂಸಾರಾಚೊ, ಇತ್ಲೊ ಮೋಗ್ ಕೆಲೊ ಕಿ ತಾಣೆಂ ಆಪ್ಲ್ಯಾ ಎಕಾಚ್ಚ್ ಪುತಾಕ್ ಆಮ್ಕಾಂ ಒಪುನ್ ದಿಲೊ, ತಾಕಾ ಸತ್ಮಾನ್ತೆಲ್ಯಾಂಕ್ ತೊ ನಾಸ್ ಜಾಯ್ನಾಶೆಂ ರಾಕ್ತಾ, ಆನಿಂ ತಾಂಕಾ ಸಾಸ್ಣಿಕ್ ಜಿವಿತ್ ಲಾಬಾಶೆಂ ಕರ್ತಾ" ಜುವಾಂವ್ 3:16.
ತೊ ಸದಾಂಚ್ ದೆವಾಮುಕಾರ್ ಹಾಜರ್ ಆಸ್ತಾಲೊ.
ತಾಣೆಂ ಘಡ್ಲೆಲೆ ಹರ್ ಪೊಂದ್ರಾ ಮಿನುಂಟಾಂಕ್ ಎಕ್ ಪಾವ್ಟಿಂ ಮ್ಹುಣ್ಚೆಂ ಪ್ರಾರ್ಥನ್ ಪೊಳೆಲ್ಯಾರ್ ಆಮ್ಕಾ ಕಳ್ತಾ ತೊ ಕಿತ್ಲೊ ದೆವಾಚೆರ್ ಪಾತ್ವೆಂವ್ಚೊ ಮುನಿಸ್ ಮ್ಹುಣ್.
ಸಾಂತ್ ಆರ್ನೊಲ್ಡ್ ಜಾನಸನ್ ಎಸ್.ವಿ.ಡಿ. ಘಡ್ಲೆಲೆಂ ಪ್ರಾರ್ಥನ್:
೧. ಎ ದೆವಾ ಬಾಪಾ ಸಾಸ್ಣಾಚಾ ಸತಾ.
  ಆಮಿಂ ತುಜೆರ್ ಪಾತ್ಯೆತಾಂ.
೨. ಎ ದೆವಾ ಬಾಪಾ,  ತುಂ ಆಮ್ಕಾಂ, ಸಡ್ವೊಣ್, ಬೊಳ್ ಆನಿಂ ಘಟಾಯ್ ದಿತಾಯ್,
   ಆಮಿಂ ತುಜೆರ್ ಭರ್ವಾಸ್ತಾಂವ್.
೩. ಏ ದೆವಾ ಬಾಪಾ, ತುಂ ಸಾಸ್ಣಾಚಾ ಬೊರೆಪೊಣಾಚೊ ದೇವ್.
   ಆಮಿಂ ಆಮ್ಚಾ ಸಗ್ಳ್ಯಾ ಸಕ್ತೆನ್ ಆನಿ ಕಾಳ್ಜಾನ್ ತುಜೊ ಮೋಗ್ ಕರಿಶೆಂ ಕರ್.
೪. ಎ ದೆವಾ ಬಾಪಾ, ತುಂವೆ ತುಜಾ ಎಕಚ್ ಪುತಾಕ್, ಸಂಸಾರಾಚೊ ತಾರೊಕ್, ಜಾವ್ನ್ ಧಾಡ್ಲಾಯ್.
    ಆಮ್ಕಾಂ ಸಮೆಸ್ತಾಂಕ್ ತುಜೆ ಥಂಯ್ ಎಕ್ವೊಟಾಯ್.
೫. ಎ ದೆವಾ ಬಾಪಾ ಜೆಜುಚಾ ಸ್ಪಿರಿತಾನ್ ಆಮ್ಕಾ ಭರ್ .
    ಅಶೆಂ ಆಮಿಂ ತುಜೆಂ ನಾಂವ್ ಸಂಸಾರಾಚಾ ಕೊನ್ಶಾ ಕೊನ್ಶಾಕ್ ಪರ್ಗಟಿಶೆಂ ಕರ್. ಆಮೆನ್.
ದಯವಿಕ್ ಉತ್ರಾಂಚಾ ಪ್ರಕಾಸಾನ್, ಆನಿಂ ಪವಿತ್ರಾತ್ಮ್ಯಾಚಾ ಪ್ರಭಾವಾನ್, ಪಾತ್ಕಾಂಚೊ ಕಾಳೊಕ್ ಆನಿ ಅವಿಶ್ವಾಸಾಚೊ ಅಂದ್ಕಾರ್, ಪೊಯ್ಸ್ ಸರೊಂದಿ.
ಅಶೆಂ ಜೆಜುಚಾ ಪವಿತ್ರ್ ಕಾಳ್ಜಾಚೆಂ ರಾಜ್ ಸಮೆಸ್ತ್ ಲೊಕಾಚಾ ಕಾಳ್ಜಾನಿ ರಾಜ್ವೊಟ್ ಕರುಂದಿ ಆಮೆನ್.

juze vas svd