ಜೆಜುಕ್ ಭುಕ್ ಲಾಗ್ಲಿ

ಜೆಜುಕ್ ಭುಕ್ ಲಾಗ್ಲಿ (ಮಾತೆವ್ 21:18-22,) ಇಸ್ಕಾಲಾಕ್ ವೆತಾನಾ ರಾನಾಂತ್, ಭೆಣ್ಸಾಂ, ಜಾಂಬ್ಳಾಂ, ಕರ್ಡಾಂ,ರುಂಬ್ಡಾಂ, ಬೊರಾಂ,ಪೊಡ್ಕೊಳಾಂ ಖೆಲಿಂ. ವಾಚ್ತಾನಾ ವಾಂಜೆಲ್ ಮಾತೆವಾಚೊ, ಲೂಕಾ ಚೊ ವಾಂಚೆಲ್ ಆಯ್ಲೊ, ಉಡಾಸ್ ಮುಜಾಚ್ ಭುರ್ಗ್ಯಾಪೊಣಾಚಾ ಪೊಕ್ರಿಪೊಣಾಚೊ. ಲಾಗಾನಾ ಕೊಣಾಕ್ ಭುಕ್? ಲಾಗಾನಾ ಮ್ಹುನ್ಶಾಕ್ ಭುಕ್? ಲಾಗ್ಲಿ ಜೆಜುಕೀ ಎಕಾ ದಿಸಾ ಭುಕ್. ವಾಟ್ ಚಲ್ತಾಂ ಚಾಲ್ತಾಂ ದಿಸ್ಲೊ ಜೆಜುಕ್, ದಿಸ್ಲೊ ತಾಕಾ ಆಂಜುರಾಂಚೊ ಎಕ್ ರೂಕ್, ಕಿತೆಂಯ್ ಫಳ್ ಆಸಾಗೀ ಮ್ಹುಣ್ ಸೊದ್ಲೆಂ ರುಕಾರ್ ಮೆಳ್ಳಿಂ ಪಾನಾಂ ಮಾತ್ರ್,. ದುಸ್ರೆಂ ಕಾಂಯ್ ದಿಸ್ಲೆಂ ನಾ ರುಕಾರ್. ಪೊಳೊನ್ ಹೆಂ ಜಾಲೊ ಜೆಜು ನಿರಾಸ್. "ಫುಡಾಂ ಹ್ಯಾ ರುಕಾರ್ ಜಾಯ್ನಾ ಜಾಂವ್ ಫೊಳಾಂ" ಗೆಲೆ, ಹೆಂ ಆಯ್ಕೊನ್, ಸರ್ವ್ ಶಿಸ್, ಶಿರಿಂ ಸುಕೊನ್. ಜಾಲೊ ರೂಕಯೀ ಲಾಂಕುಡ್, ಎಕ್ ದಮ್ ಸುಕೊನ್ ಸಕ್ಡಾನಿ ಪೊಳೊನ್, ಮ್ಹುಳೆಂ ಜೆಜುಕ್ "ಕಸೊ ಹೊ ರೂಕ್ ಗೆಲೊ ಸುಕೊನ್?" "ಕಳಾನಾ ಆಮ್ಕಾಂ ಹೆಂ ನವಾಲ್" "ಭಾವಾಡ್ತ್ ತುಮ್ಚೊ ಆಸಾ ಜಾಲ್ಯಾರ್, ಬಿಲ್ಕುಲ್ ತುಮಿಂ ದುಬಾವ್ನಾತ್ ನಾ, ಜಾಲ್ಯಾರ್, ಸತಜ್ ತುಮಿಯ ಸಕ್ತೆಲ್ಯಾತ್ ಕರುಂಕ್". "ಸತಚ್ಚ್ ಹಾಂವ್ ತುಂಮ್ಕಾ ಸಾಂಗ್ತಾಂ, ಜಾತೆಲೆಂ ಸಕ್ಕಡ್ ಆಂಜುರಾಂ ರುಕಾ ಬರಿಂಚ್ ಎಕಾ ದೊಂಗ್ರಾಕ್ ಜರ್ ಫೊರ್ಮಾಯ್ಶಾತ್, "ಊಠ್ ದರ್ಯಾಂತ್ ವಚೊನ್ ಪೊಡ್" ಸಾಂಗಲ್ಲ್ಯಾ ಬರಿಂಚ್ ಘಡ್ತೆಲೆಂ. ಹೆಂ ಭಾವಾಡ್ತಾನ್ ತುಮಿ ಮಾಗ್ತಾತ್ ಜಾಲ್ಯಾರ್." ಹೆಂ ಘೆಡ್ತಾ ಸಮೆಸ್ತಾಂಮ್ಚಾ ಜಿವಿತಾಂತ್ ಖಂಡಿತ್, ವಾಡೊವ್ಯಾಂ ಭಾವಾಡ್ತ್ ಆಮ್ಚೊ ಥಿರಾಸಾಣೆನ್, ಮಾಗ್ಯಾಂ ದೆವಾ ಲಾಗಿಂ ಸಮಾದಾನೆನ್. ಭುಕ್ ಥಾಂಬ್ತೆಲಿ, ತಾನ್ ನಿಂವ್ತೆಲಿ, ನೀದ್ ಎತೆಲಿ, ಖ್ಹುಶಿ ಜಾತೆಲಿ ಸಮಾದಾನ್ ಎತೆಲೆಂ ಜಿವಿತ್ ನಂದನ್ ಜಾತೆಲೆಂ ಸಗ್ಳೆಂ ತುಮ್ಕಾಂ ಮೆಳ್ತಲೆಂ ಖಂಡಿತ್, ದೊವೊರ್ಶಾತ್ ತರ್ ಭಾವಾಡ್ತ್ ಥಿರ್ ಸದಾಂಚ್, ಬಾಪ್ ಜುಜೆ ವಾಸ್ ಎಸ್.ವಿ.ಡಿ ಇಂದೊರ್ ಮ.ಪ್ರ.